ఓట్లు రాలు కాలం

ఓట్లు రాలు కాలం

 

నేడు రాజకీయాలు

అడుగడుగునా అవినీతి మయాలు

తెరచాటున రౌడీ మాఫియాలు

చట్టమంటే లేవు భయాలు

సేవ మాటున ఓటు బ్యాంకు ఆశయాలు

ఓ ! ఓటరన్నా

 

డా రమణ యశస్వి

 

పంచుతారు నోటు

పెట్టేస్తే రేటు

పోసిన నాటు

కాటేస్తే చేటు

అందుకే నమ్ముకో ఓటు

అమ్ముకోకు ఓటు

ఓ ! ఓటరన్నా

 

డా రమణ యశస్వి

 

అర్ధాలు మారిన పొత్తు

వేస్తె చాలు ఎత్తుకు పై ఎత్తు

ఒకళ్ళ తోక మరొకరి సొత్తు

నోటు దువ్వెనతో దువ్వుతారు జుత్తు

అయిదేళ్ళు తింటారు  నీ  భవిష్యత్తు

ఓ ! ఓటరన్నా 

 

 

ఓట్లు రాలు కాలం

 

అవినీతి అనకొండ

నీతి మంచుకొండ

చట్టం చల్ల కుండ

అధికారం గుడ్డిఎండ

పేదరికం గుదిబండ

 

 

 

 డా రమణ యశస్వి