క్షమించు శ్రీ శ్రీ

క్షమించు శ్రీ శ్రీ

 

మరోప్రపంచం లో

ఓ బుడ్డి శ్రీ శ్రీ కి

ఓ డాడీ డాంకీ

ఓ మమ్మీ మంకీ

వారి చేతుల్లో

ఓ ఇంగ్లీష్ బెత్తం

ఇక కధ మొదలయింది

ఓనమాలు దిద్దుతుంటే

ఓ! నో ! అని అరుపులు

ఛందస్సు నేర్చుకుంటుంటే

చాదస్తమని కస్సు బస్సు

సీస పద్యమంటే చెవుల్లో

సీసం పోసేలా వున్నారు

కంద మంటే మందమతని

మాడు పగులగొట్టారు  

మదర్ టంగుకి

అంగ్రేజీ ఫాదరు

క్రేజీ యాస పులిమాడు

రామా కిల్ డ్ రావణా అని

గిల్డు  భాషనీ అద్దారు

వేమన ఈజ్ ఏ నూర్ కవి

ఆయన రాసిన పద్యాలు

నూడుల్స్ అని చెప్పారు

మళ్ళీ పుట్టిన బుడ్డి శ్రీ శ్రీ

తెలుగు సిరా తాగినా

ఏ బీ సీ డీ ల కల్తీ వల్ల

మరగుజ్జు లాగా నే

మరో ప్రపంచం లో

తిరుగాడుతున్నాడు

క్షమించు శ్రీ శ్రీ

గాండ్రించి ఉమ్ము శ్రీ శ్రీ

 

శ్రీ శ్రీ కళ్ళు

 

అమరుడైన మహా కవి

మరణానికి పాతికేళ్ళు

శ్రీశ్రీ మళ్ళీ పుట్టాడనటానికి

లేవు ఆనవాళ్ళు

వస్తుంటే నేటి తల్లులకు

ఇంగ్లీషు ఏ విళ్ళు

నేటికీ శ్రీ శ్రీ సిరా చుక్కలే

విప్లవ తుపాకీ గుళ్ళు

కష్టజీవికి అటూ ఇటూ

శాశ్వత పహరా

శ్రీశ్రీ కవితా కళ్ళు

 

డా.రమణ యశస్వి

(శ్రీ శ్రీ జయంతి సందర్భముగా నేను రాసుకున్న కవితలు )

 

Dr Ramana Yashaswi
Yashaswi Hospitals
9848078807
www.yashaswihospitals.co